'' Մաքուր և կանաչապատ համայնք''

                                  Հերթական հանդիպում       Աշակերտական խորհրդի հերթական հանդիպում էր Սիսիանի ՏԶԾ-ի գրասենյակում, որը վարում էին Գորիսի ԳՈՒՄ ՀԿ-ի աշխատակիցներ' Աննան և Շահանեն: ԱԽ-ը ցանցի անդամները այս անգամ նոր առաջարկ ստացան' կազմակերպել համայնքային շաբաթօրյակ և ծառատունկ: '' Մաքուր և կանաչապատ համայնք'' Խորագիր ունեցող շաբաթօրյակը կյանքի կոչելու համար հովանավոր էր անհրաժեշտ, որը ստանձնեց Վորլդ Վիժն միջաժգային կազմակերպությունը և աշակերտներին տրամադրեց անհրաժեշտ պարագաներ, ինչպես նաև տնկիներ և վարդի թփեր:                                                                                                      Որոշվեց մայիսի 4-ին կազմակերպել շաբաթօրյակը որին կմասնակցեն Սիսիանի և Գորիսի տարածաշրջանի 20 համայնքներ:                                                                                                                       Շինուհայրի ուսումնական հաստատության ԱԽ-ի անդամները հերթական նիստ հրավիրեցին և կատարեցին աշխատանքների հստակեցում և բաժանում:  

  Նրանք պատրաստեցին քարոզարշավի անհրաժեշտ նյութեր և հայտարարություններ: Հանդիպեցին դպրոցի տնօրենի և համայնքապետի հետ: Մայիսի  4-ին ժամըն 13-ին սկսվեց շաբաթօրյակը հենց դպրոցի բակից: Առաջին տնկիներն ու թփերը տնկեցինք Ս. Թովմասյանի հուշարձանի մոտ: Երեխաների մեծ մասը տարածվեցին համայնքի տարբեր փողոցներ համայնքաբնակների հետ մաքրելու և աղբահավաք կազմակերպելու, իսկ մի մասը գյուղի կենտրոնական ճանապարհով շարժվեց դեպի Ախ-ի "Հանգստի գոտի"  տարածքը, որտեղ երեխաները մեծ ոգևորությամբ և մաքրեցին տարածքը և տնկեցին տնկիներն և թփերը:             Սիրելի համայնքաբնակներ և աշակերտներ մեզանից

յուրաքանչյուրս պետք է լավ գիտակցի, որ համայնքը մերն է, որ մենք պետք է տեր կանգնենք և մտահոգվենք նրա ներկայի և ապագայի մասին և հասկանանք, որ մաքուր օդ և առողջ ապրելակերպը սկսում է մաքուր ոչ միայն բակից այլ նաև փողոցից և համայնքից, որ համայնքի ամեն մի թուփն ու ծառը թանկ պետք է լինի յուրաքանչյուր անձի համար:                                                                                      

         Այսօրվա Շինուհայրը պետք է գտնի իր արժանապատիվ դեմքն ու դիրքը, ոչ միայն մարզում այլ նաև հանրապետությունում, իսկ յուրաքանչյուր շինուհայրցի իր հպարտ անունը ոչ միայն կեցվածքով այլ նաև գործունեությամբ իր կուլտուրայով, իր մակարդակով, իր կիրթ էությամբ և հոգու հարստությամբ:                                                                                                                                                                                                                                                                                                                                                                                                                        ԱԽ-ի անդամ Էրիկ Ավագյան